අධ්‍යාපන අමාත්‍යාංශයේ මෙහෙවීමෙන් දිගන ක්‍රීඩා සංකීර්ණ ක්‍රීඩාගාරයේදී පවත්වන ලද 35 වැනි සමස්ත ලංකා පාසල් ක්‍රීඩා මල්ලවපොර තරගාවලියේ සමස්ත ශූරතාව දිනා ගනිමින් ඒ සඳහා පිරිනමන ලද අභියෝග කුසලාන බස්නාහිර පළාතට රැගෙන යාමට මොරටුව වේල්ස් කුමාර විදුහල නියෝජනය කළ ක්‍රීඩකයෝ සමත් වූහ .
එකී අනුශූරතාව මහනුවර දිස්ත්‍රික්කයේ කිරිබත්කුඹුර ශ්‍රී ස්වර්ණජෝති ජාතික පාසලට හිමිවූ අතර එම පාසල නියෝජනය කළ ඩී .එම් .ආර්. බී. දාස්වත්ත වසරේ දක්ෂතම ක්‍රීඩකයා ලෙස සම්මාන ලැබීය .
මෙවර තරගාවලියේ තෙවැනි ස්ථානය වේයන්ගොඩ මාරපොල මහා විදුහල සතු විය .
ජයග්‍රාහී ක්‍රීඩකයින්ට තිළිණ ප්‍රදානය අධ්‍යාපන අමාත්‍යංශයේ සහකාර අධ්‍යාපන අධ්‍යක්ෂ රුවන් පතිරණ සහ මධ්‍යම පලාත් ක්‍රීඩා අධ්‍යක්ෂ ( අධ්‍යාපන ) පි. අතුල ජයවර්ධන යන මහත්වරුන්ගේ ප්‍රධානත්වයෙන් සිදු කරන ලදී
